Fjarskiptastofa hefur upplýsingar um farnetsenda, GSM senda, TETRA senda, DVB-T senda, FM senda, örbylgjusenda og ýmis önnur fjarskiptamannvirki. Upplýsingar innihalda a.m.k staðsetningu fjarskiptamannvirkja. Flestar upplýsingar eru til um farnet- og GSM senda.

Gögnin sýna 50 mílur í kringum landið.

Fjöldi farnetssenda innan 300 m2 reita.

Tölur varðandi fastanettengingar fasteigna á öllu landinu innan 100 x 100 metra reita. Gögnin sýna ekki hvaða tengingu fasteignir eru að nýta heldur hverjar þeirra tengst í gegnum ADSL, VDSL og ljósleiðara. Gögnin sýna einnig hver á þá strengi sem hægt er að tengjast í gegn um. Mögulegur hámarkshraði tenginga er áætlaður fyrir fasteignir.

Fjarskiptastofa hefur framkvæmt mælingar á fjarskiptasambandi á helstu vegum í vegakerfinu á Íslandi. Mælingar voru gerðar á GSM, UMTS (3G), LTE (4G) og TETRA á vegum Símans, Nova, Vodafone og Neyðarlínunnar. Verkefnið var unnið að ósk Fjarskiptasjóðs og fór þannig fram að starfsmenn Fjarskiptastofu óku eftir þeim vegum sem mældir voru með tilheyrandi mælitæki. Mælingar hafa verið gerðar frá 2012 en flestar mælingarnar voru gerðar frá haustinu 2015 til haustsins 2017 en þar sem hröð uppbygging á fjarskiptakerfinu er sífellt í gangi geta niðurstöður sýnt lakari dreifingu en raun er orðin síðan mælingarnar voru gerðar. Þá er einnig rétt að hafa í huga að loftnet símtækja geta verið mismunandi að gæðum og því ekki alltaf víst að ferðalangar um vegi landsins fái sömu upplifun varðandi styrk merkja og kortin gefa til kynna.

Tölur varðandi fastanettengingar fasteigna á landinu öllu skipt eftir þéttbýli og dreifbýli. Gögnin sýna ekki hvaða tengingu fasteignir eru að nýta heldur hverjar þeirra tengst í gegnum ADSL, VDSL og ljósleiðara. Gögnin sýna einnig hver á þá strengi sem hægt er að tengjast í gegn um. Þéttbýli er skilgreint sem svæði þar sem fasteignir (lögheimili og vinnustaðir einungis) eru með minnst 200 metra á milli sín og inniheldur minnst 50 slíkar fasteignir. Mögulegur hámarkshraði tenginga er áætlaður fyrir fasteignir.

Gögnin innihalda hnitsett útbreiðslusvæði talþjónustu eða GSM og 3G á vegum Símans, Nova og Vodafone sem og 4G á vegum Nova. Sýnd eru þau svæði þar sem líklegast er að ná nýtanlegu merki. Gera þarf ráð fyrir að t.d. veður, landslag og aðrir hugsanlegir utanaðkomandi þættir geti haft áhrif á dreifingu fjarskiptamerkja til eða frá. Merki dofnar þegar símtæki er inni í bíl eða inni í húsi, því fjær veggjum eða þaki sem tækið er, því lakara merki næst. Þannig næst merki yfirleitt síst inni í miðju húsi og niðri í kjallara. Móttaka getur verið mismunandi milli símtækja, þ.e. loftnet símtækja og staðsetning þeirra í tækinu getur verið mjög mismunandi. Spáin er styrkleikaskipt: - Styrkur 1: Sterkt merki, jafnan hægt að njóta viðkomandi tækni ofanjarðar innanhúss með góðu móti. - Styrkur 2: Miðlungs sterkt merki, í einhverjum tilfellum má búast við döpru sambandi innanhúss, hins vegar ætti samband að vera nægilega gott utanhúss. - Styrkur 3: Veikt merki, búast má við slitróttu sambandi utanhúss og mjög döpru eða engu sambandi innanhúss.

Árið 2013 lá hjá Mannviti listi yfir helstu ferðamannastaði í hverjum landshluta frá Ferðamálastofu sem var yfirfarinn af ferðamálafulltrúum á hverju svæði. Að auki var notast við kannanir Ferðamálastofu meðal erlendra og íslenskra ferðamanna þar sem spurt var hvaða svæði/staði þeir heimsóttu á ferðalagi sínu um landið.

Gögnin innihalda hnitsett útbreiðslusvæði farsíma- og farnetsþjónustu fyrir GSM, TETRA, 3G, 4G og 5G þjónustu á vegum Símans, Nova, Vodafone og Neyðarlínunnar (TETRA). Sýnd eru þau svæði þar sem líklegast er að ná nýtanlegu merki, þannig að hægt sé að tala í farsíma, senda smáskilaboð eða að ná gagnasambandi. Gera þarf ráð fyrir að t.d. veður, landslag og aðrir hugsanlegir utanaðkomandi þættir geti haft áhrif á dreifingu fjarskiptamerkja til eða frá. Í spálíkani Fjarskiptastofu er miðað við merki utanhúss í 2 metra hæð. Merki dofnar þegar símtæki er inni í bíl eða inni í húsi, því fjær veggjum eða þaki sem tækið er, því lakara merki næst. Þannig næst merki yfirleitt síst inni í miðju húsi og niðri í kjallara. Móttaka getur verið mismunandi milli símtækja, þ.e. loftnet símtækja og staðsetning þeirra í tækinu getur verið mjög mismunandi.

Fjöldi dvb/fm senda innan 300 m2 reita.