Lagið Örnefni án nafna úr mannvirkjalaginu, samanstendur af nýjustu útgáfu af IS 50V örnefnum (flákum, línum og punktum). Búið er að setja ákveðið útlit á örnefnin og þau raðast í mismundi yfirflokka eftir nafnberum. Flokkarnir eru: þéttbýli, sveit, landörnefni, haförnefni, vatnaörnefni og jökla- og snævarörnefni. Þessir flokkar skiptast svo frekar í þrjá stærðarflokka: stór örnefni, mið örnefni og lítil örnefni. Eftir því sem er meira þysjað inn birtast fleiri örnefni. Mælikvarðarnir eru átta: 1:2.000.000, 1:1.000.000, 1:500.000, 1:250.000, 1:100.000, 1:50.000, 1:25.000, 1:10.000. Uppfærð örnefni birtast vikulega í vefsjám LMÍ.

Landmælingar Íslands varðveita mikið af heimildum um legu marka sveitarfélaga á Íslandi. Á vefsíðunni um heimildir sveitarfélagamarka, https://atlas.lmi.is/mork_heimildir, er hægt að nálgast heimildirnar á núverandi IS 50V mörkum sveitarfélaga sem og á eldri sveitarfélagamörkum á einfaldan hátt. Ef smellt er á línu þá birtist dálkur og ef er smellt á dálkinn heimild þá birtist tengill annað hvort á pdf eða jpg formati. Heimildirnar birtast nákvæmlega eins og þau líta út í skjalasafni Landmælinga Íslands. Skjölin geta verið hæstaréttardómar, samkomulag á milli sveitarfélaga, handskrifuð skjöl (t.d. gömul landamerkjaskjöl), teikningar sem hafa verið teiknað á kort Landmælinga Íslands svo eitthvað sé nefnt. Á nokkrum stöðum (aðallega á jöklum) eru engar heimildir.

Einfalt bakgrunnskort fyrir Landupplýsingagátt. Um er að ræða strandlínu og helstu jökla. Hægt er að ná í gögnin í Geoserver Náttúrufræðistofnunar.

Í desember 2011 var ný geóíða reiknuð fyrir Ísland í samstarfi við DTU Space í Danmörku. Megin tilgangur þessara útreikninga var að reikna nýja og nákvæmari geóíðu af Íslandi og tengja hana við Landshæðarkerfi Íslands ISH2004. Nánari upplýsingar eru á heimasíðu Landmælinga Íslands, nánar tiltekið hér: https://www.lmi.is/is/maelingar/grunnkerfi/geoida

Landmælingar Íslands varðveita mikið af heimildum um legu marka sveitarfélaga á Íslandi. Mörkin hafa talsvert breyst á undanförnum áratugum, aðallega vegna sameiningar sveitarfélaga. Í þessu gagnasetti er búið að setja breytingar á mörkum sveitarfélaga saman í tímalínu frá árinu 1904 til dagsins í dag. Árið 1904 voru sveitarfélögin 192. Fyrri hluta aldarinnar var algengt að sveitarfélögum væri skipt niður og mynduð tvö eða þrjú sveitarfélög úr einu. Sveitarfélögunum fjölgaði smám saman, þar til fjöldi þeirra náði hámarki árið 1948 og voru þau þá orðin 229. Árið 1964 sameinuðust fyrstu sveitarfélögin og hefur þeim farið stöðugt fækkandi eftir það. Árið 1994 var fjöldi sveitarfélaga 173 og árið 2024 voru þau komin í 63. LMÍ heldur utan um landupplýsingagögn um sveitarfélög en nánari upplýsingar um sveitarfélög er að finna hjá samgöngu- og sveitarstjórnarráðuneytinu og Sambandi íslenskra sveitarfélaga

Í loftmyndasafni Landmælinga Íslands eru um 140000 loftmyndir frá árinu 1937 til ársins 2000. Til eru myndir af öllu landinu teknar á mismunandi tímum og hafa þær ómetanlegt samanburðar- og heimildagildi. Myndirnar frá árunum 1937 til 1938 eru frá dönskum landmælingamönnum. Einnig eru til myndir sem teknar voru á vegum Breta, Þjóðverja og Bandaríkjanna á tímum heimstyrjaldarinnar síðari. Frá árinu 1950 til ársins 2000 tóku Landmælingar Íslands myndir nánast árlega. Meirihluti myndanna er svarthvítur en þó er nokkuð til af litmyndum. Safnið er vel skráð í sérstakri loftmyndaskrá.Stór hluti loftmyndasafnsins er nú komið á stafrænt form. Stærstur hluti myndanna er í mælikvarðanum 1:36000. Einnig er töluvert um lágflugsmyndir sem eru í stærri mælikvarða. Skönnuðu myndirnar eru ekki í neinu staðsetningarkerfi og norður snýr ekki alltaf upp.

Þetta lag sýnir gömlu sýslurnar og er unnið úr IS 50V gögnum. Er byggt á korti frá LMÍ sem kom út árið 1990 (heitir: Hreppa- og sýsluskipting).

Gagnasettið heldur utan um fastmerki sem tilheyra grunnstöðvanetinu, ISNET2004. Ýmist er um að ræða bolta (þríhyrningur), stöpla (ferhyrningur) eða jarðstöðvar (stjarna). Þegar ISN93 viðmiðunin leysti af hólmi Hjörsey55 viðmiðunina var stigið mikið framfaraskref í landmælingum á Íslandi. Grundvöllur fyrir að vinna í einu og sama hnitakerfinu hafði skapast fyrir alla sem vinna með hnitsettar upplýsingar. Hins vegar skapar lega Íslands á Norður- Atlantshafshryggnum ákveðin vandamál. Landið er stöðugt að reka í sundur og þar með er grunnstöðvanetið sem viðmiðunin ISN93 byggir á stöðugt að afmyndast. Auk þess hafa staðbundnari atburðir eins og eldgos og jarðskjálftar valdið staðbundnum afmyndunum á netinu. Þetta hefur skapað ýmis vandamál þegar kemur að landmælingum á svæðum sem eru nálægt flekaskilum eða á öðrum jarðfræðilega virkum svæðum. Til þess að taka á þessu vandamáli verður að endurmæla grunnstöðvanetið reglulega. Nákvæmni er 1cm í legu og 2cm í hæð.

Þessi þekja sýnir mælikvaðaskekkjur (Scale) fyrir Lambert Conformal Conic (2SP) kortavörpunina sem oftast er notuð fyrir ISN hnitakerfin, stundum nefnd ISNET vörpun. ISN93 EPSG:3057, ISN2004 EPSG:5325 og ISN2016 EPSG:8088. Þegar mælikvarðinn er jákvæður þýðir það að raunveruleg lengd er styttri en lengd reiknuð með kortahnitum og öfugt ef kvarðinn er neikvæður. 1 ppm jafngildi 1mm á kílómeter. Til þess að fá góða nálgun á raunverulegri lengd á sporvölu GRS80 er kortalengd með mælikvarðanum. Sem dæmi ef mælikvarðinn er 300 ppm þýðir það að 1000,30m í kortahnitum er í raun 1000m.

Lagið Örnefni samanstendur af nýjustu útgáfu af IS 50V örnefnum (flákum, línum og punktum) og IS 50V mannvirkjapunktum. Búið er að setja ákveðið útlit á örnefnin og þau raðast í mismundi yfirflokka eftir nafnberum. Flokkarnir eru: þéttbýli, sveit, landörnefni, haförnefni, vatnaörnefni og jökla- og snævarörnefni. Þessir flokkar skiptast svo frekar í þrjá stærðarflokka: stór örnefni, mið örnefni og lítil örnefni. Eftir því sem er meira þysjað inn birtast fleiri örnefni. Mælikvarðarnir eru átta: 1:2.000.000, 1:1.000.000, 1:500.000, 1:250.000, 1:100.000, 1:50.000, 1:25.000, 1:10.000. Nöfnin í mannvirkjalaginu fara ekki að birtast fyrr en í mælikvarðanum 1:50.000 en það eru sérbýlishús. Restin af nöfnunum í mannvirkjalaginu birtast svo í mælikvarðanum 1:10.000. Uppfærð örnefni birtast vikulega í vefsjám LMÍ.